AF222a: 102v

Frenk zaḥmetine qaplubaġaʾı pişirüb yėdüreler yiyen bilmeye mücerrebdür * fāʾide göz qırlanġıc // beynisin alup göze çekeler qara ṣu inmekden defʿ ėder ve aq düşmiş göze qırlanġıc // tersin çekeler aġın defʿ ėder ve qırlanġıc qanın çekeler ġāyetle görür ve şeb görmegin // defʿ ėder ve yaşarmasın defʿ ėder * ve qapaqda qıl bitürmeye ve ödinden bir ṭamla çekseler // yaşarmasın defʿ ėder * ve ṭatlu enārı ve ekşi enārı ṣıqub ṣuyun ber‑ā‑ber ėdüp // qaynada qoyulayınça baʿdehū göze çekseler cümle gözde olan emrāża nāfiʿdür * ve żāmq [?]// gül ṣuyıyla ezüp göze ṭamzırsalar gözde olan aġuñ [!] giderür ve qapaqda olan // şişi ve qaluñluġı giderür * ve qanlu göz aġrısına noḥudı [!] alup dirhem 3 qavura // andan dögüp üzerlik toḫmın ve bir pāre qara ṭavuq ödün alup gül ṣuyıyla yoġura // balcıq gibi ėdüp iki pāre panpuq üzerine süre daḫı gözüñ qapaġı üzerine // yapışdura defʿ ėder * ve göz yaşarmasına ayva çiçegin cemʿ eyleyüp ṣuyuñ [!] // çıqara andan göze çeke defʿ ėder * Kitāb‑i şifāda Aq Şemseddīn dėmişdür // bėl aġrısına on dirhem ṭuz ve on dirhem biber muḥkem dögüp ḥammāmda yatup bėlin ova // bir iki kerre ėde defʿ ola * bir kişinüñ icinde veremi olsa * ve żīqu n‑nefes // olsa bir vaqīye inciri ṣıqup ṣuyın ala ve bir vaqīye noḥudı [!] qaynadup yėrinde // qalan ṣuʾı bir vaqīye ola daḫı elli dirhem sünbül‑i Hindī ve dört dirhem zaʿferān // ve on dirhem ḥavlincān [!] ve bir vaqīye çig ʿasel qoyup bu ṣularla qaynada qıvāma // geldükde bunları qata ṣabāḥ ve aḥşam ikişer dirhem istiʿmāl ėdeler nāfiʿdür